ဟဇရသ်ကြီးမောင်လာနာယူစွတ်ဖ်ဆပ်(ရဟေ့) ကွယ်လွန်ဖို့ ၅ရက်အလိုမှာ မိန့်ကြားခဲ့တဲ့ အလွန်အရေးပါတဲ့ ဗယာန်

ဟဇရသ်ကြီးမောင်လာနာယူစွတ်ဖ်ဆပ်(ရဟေ့) ကွယ်လွန်ဖို့ ၅ရက်အလိုမှာ မိန့်ကြားခဲ့တဲ့ အလွန်အရေးပါတဲ့ ဗယာန်

ကျနော် ကျန်းမာရေး မကောင်းဘူး ညတုန်းကလည်း တညလုံး အိပ်မပျော်ခဲ့ဘူး ဒါပေမဲ့ အရေးကြီးတဲ့စကားတွေ ပြောဖို့ရှိလို့ အခု ပြောမှာဖြစ်တယ် ကျနော်ပြောတဲ့စကားတွေကို နာယူကျင့်သုံးတဲ့သူကို အလ္လာအသျှင်မြတ်က တောက်ပြောင်စေလိမ့်မယ် ဥပက္ခာ ပြုတဲ့သူကတော့ မိမိခြေထောက်ကို မိမိကိုယ်တိုင် ရိုက်ချိုးသလို ဖြစ်လိမ့်မယ်။

အခုလို နိဒါးန်ချီပြီး ဟဇရသ်ကြီးက ဆက်လက်မိန့်ကြားတယ်။ မွတ်စ်လင်မ်တွေကို ကိုယ်တော်မြတ်(ဆွ)က အွမ္မသ် အဖြစ်နဲ့ တည်ဆောက်ပြီး ထားခဲ့တယ်။ ဒီလို အွမ္မသ် ဖြစ်ဖို့ လွယ်လွယ်လေး လုပ်ခဲ့ရတာ မဟုတ်ဘူး ကိုယ်တော်မြတ်နဲ့ ဆွဟာဗာသာဝကတွေ အသက် သွေး ချွေး နဲ့ အရာရာကို ကုရ်ဗာနီ ပေး စတေးပြီး အွမ္မသ် ဖြစ်အောင် လုပ်ခဲ့တာ ဖြစ်တယ်။

အစ္စလာမ့်ရန်သူတွေက အွမ္မသ် ပြိုကွဲဖို့ အရင်ကလည်း အစွမ်းကုန် အားထုတ်ခဲ့တယ် အခုလည်း လုပ်နေတယ် နောင်လည်း အမြဲ ကြိုးစားနေလိမ့်မယ်။

တချိန်တုန်းက မွတ်စ်လင်မ်တွေ အွမ္မသ် ဖြစ်နေခဲ့တော့ လူဦးရေ လက်တဆုတ်စာလေးနဲ့ ကမ္ဘာကို လွှမ်းမိုးခဲ့တယ်။ ဒီနေ့လည်း ကျနော်တို့ ပီသတဲ့ အွမ္မသ် ဖြစ်နေမယ်ဆိုရင် ဘယ်အင်အား ဘယ်အဏုမြူဗုံး မှ ကျနော်တို့ အမွှေးတပင်တောင် ထိခိုက်အောင် လုပ်နိုင်မှာ မဟုတ်ဘူး။

ဟဇရသ်ကြီးက ဆက်လက်ပြီး အွမ္မသ် ရဲ့ သဘောတရားကို အခုလို ရှင်းပြတယ်။ အွမ္မသ် ဆိုတာ မွတ်စ်လင်မ်တိုင်းဟာ မိမိဟာ ဘယ်မျိုးနွယ်ကလဲ ဘယ်ဇာတိလဲ ဘာစကားပြောလဲ အဲဒါကို အဓိက မထားဘူး။ မိမိအကျိုးနဲ့ မိမိရဲ့ မိသားစုအကျိုးကို ရှေ့တန်းမတင်ဘူး။

အလ္လာနဲ့ရစူလ်ရဲ့ အမိန့်ကိုပဲ ဦးထိပ်ပန်ဆင်တယ် အခု ငါ့ကို အလ္လာအသျှင်မြတ် ဘာခိုင်းနေလဲ ရစူလ်ကိုယ်တော်မြတ်(ဆွ)ဘာညွှန်ကြားနေလဲ ဒါကိုပဲ ကြည့်တယ်။ လူတယောက်က တဦးတယောက်ကို မျိုးနွယ်အပေါ်အခြေခံပြီး ဇာတိအပေါ် အခြေခံပြီး ဘာသာစကားအပေါ် အခြေခံပြီး အသားအရောင်အပေါ် အခြေခံပြီး ခွဲခြားဆက်ဆံတယ် အီမာန်ရှင်ဖြစ်ပေမဲ့ ညီအကိုအရင်းလို သဘောမထားရင်

(ဥပမာ သူက စူရ်သီ မို့လို့ သူက ကျိုလီယာ မို့လို့ သူက တခြားဒေသကလာတာမို့လို့ သူက ဂေါ်ရခါးစကားပြောလို့ သူက အသားမဲလို့ ဆိုပြီး ခွဲခြားခဲ့ရင်) ဒါအွမ္မသ် ပြိုကွဲတာပဲ ကိုယ်တော်နဲ့ ဆွဟာဗာများရဲ့ ကြိုးပမ်းမှုကို သဲထဲရေသွန်ဖြစ်အောင် လုပ်တာပဲ အွမ္မသ်ပြိုကွဲတဲ့အခါ အချင်းချင်း ဇဗဟ်လုပ်ကြလိမ့်မယ် ကျန်တဲ့လူတွေကို ရန်သူတွေက ဆက်ပြီး ဇဗဟ်လုပ်တာ ခံရလိမ့်မယ်။ (အလ္လာဟုအက်ဗရ်)

အွမ္မသ်ဖြစ်အောင် ကျနော်တို့ ဘာတွေလုပ်ရမလဲ ဆိုတာကို ဟဇရသ်ကြီး(ရဟေ့)က အခုလို မိန့်ကြားတယ်။ ကလေမာ သတ်စ်ဗီးဟ် နဲ့တင် အွမ္မသ်ဖြစ်မှာ မဟုတ်ဘူး။ အွမ္မသ် ဖြစ်ဖို့အတွက် **လူတိုင်းကို အီမာန်အပေါ် အခြေခံပြီး ကျန်တာ ဘာကိုမှ မကြည့်ပဲ ချစ်ရမယ် စည်းလုံးရမယ်။

(ကိုယ်တော်မြတ်(ဆွ)ရဲ့ အချစ်ဆုံးဦးရီးတော် ဟမ်ဇာ(ရသွေ့)သခင် ရှဟီးဒ် လုပ်ခြင်းခံရတယ်။နားခေါင်းတွေ ဖြတ်ထားတယ် မျက်လုံးတွေ ဖောက်ထားတယ် နားတွေ ဖြတ်ထားတယ် ဗိုက်ခွဲပြီး ကလီစာတွေ ထုတ်ထားတယ်။

ဒီလို ရက်ရက်စက်စက် သတ်ခဲ့တဲ့ ဝဟ်ရှီ နဲ့ ဟင်န်ဒါ တို့ ကလေမာဖတ်လိုက်တဲ့အချိန်မှာ ဟဇရသ်ဝဟ်ရှီ (ရသွေ့)နဲ့ ဟဇရသ်ဟင်န်ဒါ(ရသွေ့)ဖြစ်သွားတယ်။ချက်ချင်း အားလုံးနဲ့ ညီရင်းအကို မောင်ရင်းနှမတွေလို ချစ်သွားတယ်။တခုပဲ ကိုယ်တော်မြတ်(ဆွ)မိန့်တယ် အိုဝဟ်ရှီ အသင့်ကို မြင်ရင် ကျွန်ုပ်ရဲ့ ဦးရီးတော်ကို သတိရပြီး စိတ်မကောင်းဖြစ်လို့ ကျွန်ုပ်ကွယ်ရာမှာ နေပေးပါ။ သို့သော် ခွင့်လွှတ်တဲ့အပြင်ကို မြင့်မားတဲ့ ဆွဟာဗီရဲ့ ဒရ်ဂျာ အဆင့်အတန်းကို ဆွတ်ခူးခွင့် ရရှိခဲ့တယ်။

ဒါ စိရသ်ထဲက သာဓက တခုပဲ ဖြစ်တယ် ဒီလို အဖြစ်အပျက်တွေ ပြောမကုန်အောင် ကိုယ်တော်မြတ်(ဆွ)နဲ့ ဆွဟာဗာတွေရဲ့ ဘဝမှာ တွေ့နိုင်တယ်။) ဟဇရသ်ကြီး ဆက်လက်မိန့်ကြားတယ် အွမ္မသ်ဖြစ်ဖို့အတွက် **မိုအာရှရသ် လူမှုဆက်ဆံရေးကို ပြုပြင်ရမယ် အားလုံးရဲ့ ဝတ္တရားကို ကျေပြွန်ရမယ်(မိဘ ဇနီးသားမယား ဆွေမျိုးသားချင်း ဖတဆိုးခလေးများ သူဆင်းရဲများ အိမ်နီးနာချင်း မိတ်ဆွေ အပေါင်းအသင်း လက်အောက်ငယ်သား ဘာသာခြားများ အားလုံးနဲ့ ကောင်းစွာ ဆက်ဆံရမယ် အားလုံးရဲ့ ဝတ္တရားကို ကျေပြွန်ရမယ်။

တိရစ္ဆာန် တွေရဲ့ ဝတ္တရားပါ အစ္စလာမ်က သွန်သင်ပြသထားတဲ့အတိုင်း ကျေပြွန်ရမယ်။ ဒါမှ ချစ်ခင်မှု တည်ဆောက်နိုင်မယ်။ မတရားလုပ်မယ် မောင်ပိုင်စီးမယ် ဒုက္ခ ပေးမယ် ဝတ္တရားတွေ မကျေပြွန်ဘူးဆိုရင် ချစ်ခင်မှု မရနိုင်ဘူး အမုန်းပွားပြီး အွမ္မသ်ပြိုကွဲသွားမယ်။ ဒါ့ကြောင့် မိုအာရှရသ်ကို အစ္စလာမ့်နည်းကျ ဖြစ်အောင် သင်ယူပြီး ကျင့်သုံးရမယ်။)

ဟဇရသ်ကြီး ဆက်လက်မိန့်ကြားတယ်။ အွမ္မသ် ဖြစ်ဖို့အတွက် **အားလုံးကို အစ်က်ရာမ် လုပ်ရမယ်။ဂုဏ်ပေးလေးစားရမယ်။ (အစ္စလာမ်နဲ့ မွတ်စ်လင်မ်တွေကို အမုန်းကြီးမုန်းခဲ့ဖူးတဲ့ ခါလစ်ဒ်ဗင်န်ဝလီးဒ် ဟာ ကိုယ်တော်နဲ့ ဆွဟာဗာတွေ အွမ်ရာ လုပ်ဖို့ မက္ကာမြို့တော်ကို လာမယ် သတင်းကြားတာနဲ့ မျက်နှာချင်းမဆိုင်ချင်လို့ မကြည့်နိုင်လို့ တနေရာကို ရှောင်ထွက်သွားတယ်။ကိုယ်တော်မြတ်(ဆွ)ရောက်လာတော့ တရက် ခါလစ်ဒ်ဗင်န်ဝလီးဒ် ရဲ့ ညီနဲ့ တွေ့တော့ သာကြောင်းမာကြောင်း မေးပြီးတော့ အသင့်အကို ခါလစ်ဒ် မတွေ့ပါလား?လို့ မေးတယ်

ကိစ္စတခုရှိလိူ့ တနေရာသွားတယ်လို့ ညီဖြစ်သူက ဖြေတော့ ကိုယ်တော်မြတ်(ဆွ)က မိန့်တယ်။ အေး ခါလစ်ဒ်လို အရည်အချင်းရှိတဲ့လူ အမြှော်အမြင်နဲ့ ပြည့်စုံတဲ့လူ သူရသတ္တိနဲ့ ပြည့်စုံတဲ့လူ က အစ္စလာမ်သာသနာကို သဘောမပေါက်သေးတာ ကျွန်ုပ် အံ့အားသင့်မိတယ် လို့မိန့်တယ်။ ကိုယ်တော်(ဆွ)တို့ ပြန်သွားပြီး  ခါလစ်ဒ်ဗင်န်ဝလီးဒ် ပြန်ရောက်လာတဲ့အခါ ညီဖြစ်သူက ကိုယ်တော် မေးတဲ့အကြောင်း ပြောပြတော့ အံ့သြသွားတယ် ဟုတ်လား ငါ့မကောင်းကြောင်း ဘာတွေ ပြောသေးလဲ ဆိုတော့ ညီဖြစ်သူက ပြောပြတယ်

အကို မကောင်းကြောင်း တခွန်းမှ မပြောဘူး   ဒီလို ဒီလို ပြောသွားတယ် ဆိုတော့ ခါလစ်ဒ်ဗင်န်ဝလီးဒ် ရဲ့ နှလုံးသား ကမ္ဘာကြီး ပြောင်လဲသွားတယ် အမုန်းပျောက်ပြီး အချစ်ရောက်လာတယ် အစ္စလာမ်သာသနာကို အမုန်းတရားတွေ ဖယ်ပြီး လေ့လာလိုက်တော့ သဘောပေါက်သွားပြီး မဒီနာကို ဟစ်ဂ်ျရသ်လုပ်လာခဲ့တယ်။ကိုယ်တော်မြတ်(ဆွ)ရဲ့ လက်တော်ပေါ်မှာ အီမာန်ယုံကြည်ပြီး ဟဇရသ်ခါလစ်ဒ်ဗင်န်ဝလီးဒ်(ရသွေ့) ဖြစ်သွားခဲ့တယ်။

အဗူစွတ်ဖ်ယားန် အီမာန်ယူခဲ့တာလည်း ကိုယ်တော်မြတ်(ဆွ)ရဲ့ အစ်က်ရာမ်ကို ကြည့်ပြီး ယူခဲ့တာ ဖြစ်တယ်။)  ဟဇရသ်ကြီးက ဆက်လက် မိန့်ကြားတယ်။ အွမ္မသ် ဖြစ်ဖို့အတွက်

* *မိမိရဲ့အကျိုးကို စတေးပြီး အခြားသူရဲ့ အကျိုးကို သယ်ပိုးရမယ်။   (သေအံ့ဆဲဆဲ ဆွဟာဗာတွေ ရေလာတိုက်သူကို ဘေးကလူကို အရင် တိုက်ဖို့ ပြောကြရင်း တယောက်မှ မသောက်လိုက်ရပဲ ရှဟီးဒ်ဖြစ်သွားခဲ့တာ စံနမူနာပဲ)

အချုပ်ကတော့ အွမ္မသ်ဖြစ်ဖို့အတွက် ကလေမာ အေဗာဒသ်အပြင် အချင်းချင်း ချစ်ခင်စည်းလုံးရမယ်။ လူမှုဆက်ဆံရေးကို ပြုပြင်ပြီး အားလူံးရဲ့ ဝတ္တရားတွေကို ကျေပြွန်ရမယ်။ အားလုံးကို အစ်က်ရာမ် လုပ်ရမယ်။ မိမိရဲ့ အကျိုးကို အခြားသူအတွက် ကုရ်ဗာနီ လုပ်ရမယ် စတေးရမယ်။ ဒါဆို ကျနော်တို့ အွမ္မသ် ဖြစ်သွားမယ်။

စဝါနေဟေမောင်လာနာယူစွတ်ဖ်ဆပ်ကျမ်း   စာ ၇၂၂မှ ၇၂၆  ( အလ္လာအသျှင်မြတ် ကျနော်နှင့်တကွ မိတ်ဆွေများအားလုံးကို သောင်ဝ်ဖီးက် ချီးမြှင့်တော်မူပါစေ ) အာမီးန်

မှတ်ချက်။ ။ကွင်းစ ကွင်းပိတ်ထဲမှ စကားများဟာ ကျနော်ဘက်မှ ရှင်းလင်း ရေးထားခြင်း ဖြစ်ပါတယ်။  စည် သူ အောင်

Add a Comment

Your email address will not be published. Required fields are marked *